撰文、摄影:很想很想食玩训
炸鱼蛋配冬荫 4点就收工
估唔到屋邨街市都有泰国菜食，而且好抵食，三十几蚊就可以落楼！呢间泰国食店主打冬荫功汤粉，汤底味浓出色，而且贯切街市食店大件夹抵食嘅特色，吸引到唔少年轻人帮衬。
金潮泰美食
地址：沙田禾輋村街市 SS02号铺(显示地图)
电话：2443 5586
营业时间：10:30am-4pm
温度决定价钱 生果档足料沙冰
禾秆盖珍珠！唔留心睇都唔知原来呢间生果档有鲜榨果汁饮。老闆每日都会拣选时令嘅新鲜生果榨果汁，所以未必日日卖嘅果汁都一样，而且配搭仲好特别添，例如石榴苹果、杨桃雪梨、杨桃苹果，另外仲有一两款沙冰（不过要得闲，无咩客个阵先会整），小编去个日仲有难得一见嘅红火龙果沙冰。呢间鲜果店除咗果汁口味难捉摸之外，连价钱都一样难捉摸！老闆话气温25°C以下沙冰卖＄15杯，30°C以上卖＄20杯。咁… …25°C至30°C呢？
玲记环球鲜果
地址：沙田禾輋村街市厚和楼地下3A铺(显示地图)
电话： 9653 3797
营业时间：8am-11pm
宵夜首选 鸡髀鸡翼鸡尖劲正
呢间喺街市入面嘅小食店开晏收晏，主打晚市同宵夜，虽然舖仔细细但就好有惊喜 ，有好多鸡食，鸡髀、鸡翼、鸡尖、鸡软骨都有！而且样样都好出色好好食！一定要试蒜香辣鸡尖，好似元朗B仔果只，爽啊！够辣够香，如果小编住附近真係晚晚宵夜都会过嚟帮衬！提一提大家，唔好太早嚟，如果4点几就杀上嚟好多野都未有得试架。
潮食
地址：沙田禾輋街市地下SS18B号舖(显示地图)
电话：5233 3909
营业时间：4pm-2am
係街市擦完一转，顺便上隔离商场到行下街消化下，再食过！
怀旧雪糕零食屋 咖喱蜜糖鱼蛋
与其话係雪糕屋，呢间怀旧小店更似一间士多办馆，入面有大量买少见少嘅旧式糖果同零食，够晒怀旧！仲有少少熟食，例如雪糕球，鲜果乳酪，咖喱鱼蛋… …每一样都係80、90后住屋邨大嘅回忆。不过回忆同小店一样都敌唔过时代嘅巨轮。呢间小店将会光荣结业，做到４月尾，大家如果想去怀缅一下昔日嘅儿时味道就要快喇。
南城雪糕屋
地址：沙田禾輋广场2楼231号舖(显示地图)
电话：2601 2478
营业时间：1pm-9pm
妈咪鸡蛋仔 坐低慢慢食
平时食鸡蛋仔都係买完就一路行一路食，不过妈咪鸡蛋仔今次就有新搞作，就係鸡蛋仔鸡蛋仔Café。呢间鸡蛋仔Café， 除咗鸡蛋仔之外，仲有本店限定嘅雪糕格格同雪糕三文治，唔想食鸡蛋仔都可以转下口味！呢度嘅鸡蛋仔十分脆身， 秘诀原来係整起嘅时候要用风扇吹一吹佢，令佢更加脆。
妈咪鸡蛋仔
地址：沙田德厚街3号禾輋广埸2楼277-278号舖(显示地图)
电话：6530 5206
营业时间：12nn-10:30pm
火炭港铁站出发 赏杜鹃花
如果你係由火炭港铁站行去禾輋，一路行到半路，去到东华三院廖恩德纪念幼稚园出面已经有杜鹃可以睇，过埋停车场之后去到禾輋村街市旁边、培英中学对面都有宫粉羊蹄甲睇，都开到七七八八嫁啦！记住拎埋相机去！
延伸阅读:
【18区扫食】离岛Hea食一日游! 坪洲5间必食冰室+士多
【18区扫食】离岛Hea住歎茶! 长洲5大悠闲西餐厅
